విక్టరీ వెంకటేష్, సూపర్స్టార్ మహేష్ అన్నదమ్ములుగా నటిస్తున్న చిత్రం సీతమ్మ వాకిట్లో సిరిమల్లె చెట్టు సెన్సార్ పూర్తయి క్లీన్ U సర్టిఫికేట్ పొందింది. సూపర్ ప్రొడ్యూసర్ దిల్రాజు శ్రీ వెంకటేశ్వర క్రియేషన్స్ పతాకంపై శ్రీమతి అనిత సమర్పణలో నిర్మిస్తున్న భారీ మల్టీస్టారర్ 'సీతమ్మ వాకిట్లో సిరిమల్లె చెట్టు' జనవరి 11న సంక్రాంతి కానుకగా ఈ చిత్రం వరల్డ్వైడ్గా రిలీజ్ కాబోతోంది.
ఈ సందర్భంగా నిర్మాత దిల్రాజు మాట్లాడుతూ - ''మా చిత్రం సెన్సార్ పూర్తయింది. ఒక్క కట్ కూడా లేకుండా క్లీన్ 'యు' సర్టిఫికెట్ ఇచ్చారు. ఈమధ్య కాలంలో ఒక కట్ కూడా లేకుండా మంచి ఫ్యామిలీ ఎంటర్టైనర్ని తీసినందుకు సెన్సార్ ఆఫీసర్ ఎంతగానో అభినందించారు. క్లైమాక్స్లో ఏడిపించారు. చాలా హార్ట్ టచ్చింగ్గా వుంది అని ముగ్గురు లేడీ మెంబర్స్ అభినందించారు. ఈ సినిమా ఆరు నెలలకుపైగా ఆడుతుంది. చాలా గొప్ప సినిమా తీసారు.
ఆరు నెలలకు పైగా ఆడుతుందని ఇద్దరు మెంబర్స్ ప్రశంసించారు. దాదాపు 25 ఏళ్ళ తర్వాత వస్తున్న ఈ మల్టీస్టారర్ ఈ సంక్రాంతికి మంచి ఫ్యామిలీ ఎంటర్టైనర్గా జనవరి 11న వరల్డ్వైడ్గా రిలీజ్ చేస్తున్నాము. తప్పకుండా అందరి ఎక్స్పెక్టేషన్స్ని ఈ సినిమా రీచ్ అవుతుంది. మా బేనర్ పది సంవత్సరాలు పూర్తి చేసుకున్న సందర్భంగా విడుదలవుతున్న ఈ చిత్రం మా బేనర్ ప్రెస్టేజ్ మరింత పెంచుతుంది. ఈ మల్టీస్టారర్ ఇంత బాగా రావడానికి దోహదపడిన వెంకటేష్ బాబుకి, మహేష్బాబుకి ఈ సందర్భంగా ప్రత్యేక కృతజ్ఞతలు తెలియజేస్తున్నాను'' అన్నారు.
విక్టరీ వెంకటేష్ మాట్లాడుతూ - ''చక్కని ఫ్యామిలీ ఎంటర్టైనర్గా ఎక్స్ట్రార్డినరీ పాయింట్తో రూపొందిన ఈ చిత్రం సంక్రాంతికి పర్ఫెక్ట్ మూవీ. కుటుంబ సమేతంగా చూసి ఎంజాయ్ చేసే విధంగా వుంటుంది. మహేష్తో కలిసి ఇంత మంచి సినిమాలో నటించడం చాలా హ్యాపీగా వుంది'' అన్నారు.
సూపర్స్టార్ మహేష్ మాట్లాడుతూ - ''శ్రీకాంత్ చెప్పిన సబ్జెక్ట్ విని ఎంతో ఇన్స్పైర్ అయ్యాను. ఈ సినిమా చేయడం మంచి అనుభూతిని కలిగించింది. మూడు రోజుల ముందే సంక్రాంతి పండగ వచ్చినంత ఆనందం అభిమానుల్లో కనిపిస్తోంది. అన్నివిధాలా సంతృప్తిని కలిగించిన సినిమా ఇది. వెంకటేష్గారితో ఇంత మంచి సినిమాలో నటించడం చాలా ఆనందాన్ని కలిగించింది'' అన్నారు.