అగ్రహీరోల చిత్రాలు బిజనెస్‌ అవ్వాలంటే.... కాపీ చూడకుండానే రిలీజ్‌ చేస్తుంటారు. బేనర్‌, దర్శకుడు, నిర్మాతలపై కూడా దృష్టి కేంద్రీకరిస్తారు. అయితే, విక్టరీ వెంకటేష్‌, శ్రీకాంత్‌ కాంబినేషన్‌లో వస్తున్న చిత్రం 'షాడో'. మెహర్‌ రమేష్‌ దర్శకుడు. ఈ చిత్రం కాంబినేషన్‌పై వెంకటేష్‌కు మంచి సెంటిమెంట్‌ ఉంది. అదేవిధంగా శ్రీకాంత్‌కు కూడా ఉంది.
ఇండస్ట్రీలో ఈ చిత్రం మంచి హిట్‌ కొడుతుందనే కామెంట్లు విన్పిస్తున్నాయి. ఈ చిత్రానికి దర్శకుడు ఎక్కువగా ఖర్చు చేయించడం మినహా టేకింగ్‌లో ఎటువంటి వెనకడుగు వేయలేదని తెలిసింది. ఈ చిత్రాన్ని సాంప్రదాయంగా సోదరుడు సినిమా కనుక డి.సురేష్‌బాబు ప్రతి సినిమా చూసి దానిలో ఏమైనా సూచనలు సలహాలు ఇస్తుంటారు.
కానీ ఈ చిత్రాన్ని సురేష్‌బాబుకు చూపించకుండా విడుదల చేస్తున్నారు. ఈ విషయంలో వెంకటేష్‌ కూడా ఎటువంటి జోక్యం చేసుకోలేదు. గట్టి నమ్మకంతో ఉన్న చిత్ర యూనిట్‌ ఇటీవలే పెద్దమ్మతల్లి ఆశీర్వాదం తీసుకున్నారు. అయితే ఖర్చు ఎక్కువ కావడంతో కొంత డెఫ్‌షిట్‌తో రిలీజ్‌ అవుతున్నా... వేసవిలో వచ్చే చిత్రం హిట్‌ అయితే... ఇవన్నీ మరుగునపడిపోతాయని ఫిల్మ్‌నగర్‌ కథనం.