స్టైలిష్ హీరో అల్లు అర్జున్ హీరోగా డైనమిక్ డైరక్టర్ గుణశేఖర్ దర్శకత్వంలో యూనివర్శల్ మీడియా పతాకంపై హిట్ చిత్రాల నిర్మాత డి.వి.వి. దానయ్య నిర్మిస్తోన్న భారీ చిత్రానికి "వరుడు" అనే టైటిల్ను ఖరారు చేశారు.
ఈ సినిమా గురించి నిర్మాత డి.వి.వి. దానయ్య మాట్లాడుతూ.. తమ కథకు "వరుడు" అనే టైటిల్ చక్కగా సరిపోతుందన్నారు. ఈ టైటిల్ను తాము అడిగిన వెంటనే ఇచ్చిన నిర్మాత నల్లమలుపు శ్రీనివాస్ (బుజ్జి)కి పత్రికాముఖంగా కృతజ్ఞతలు తెలియజేసుకుంటున్నామని దానయ్య చెప్పారు.
" వరుడు"గా అల్లు అర్జున్ నటిస్తోన్న ఈ చిత్రం ద్వారా ఓ కొత్త హీరోయిన్ను పరిచయం చేస్తున్నామని, అద్భుతమైన సాంకేతిక విలువలతో దర్శకుడు గుణశేఖర్ ఎక్స్ట్రార్డనరీగా ఈ చిత్రాన్ని తెరకెక్కిస్తున్నారని నిర్మాత వెల్లడించారు.
ఇందులో తమిళ హీరో ఆర్య విలన్గా నటిస్తున్నారని, అంతేగాకుండా రియల్ లైఫ్లోని వంద కుటుంబాలు నటించడం విశేషమని దానయ్య అన్నారు. ఈ వంద కుటుంబాలను ఆరు నెలలకు ముందే ఎంపికచేసి వర్క్షాప్ నిర్వహించి నటనలో శిక్షణ ఇవ్వడం జరిగిందని ఆయన చెప్పారు.
భారీ ఎత్తున రూపొందుతోన్న ఈ చిత్రంలో ఇంకా సుహాసిని, నరేష్-1, ఆశిష్ విద్యార్థి, షాయాజీ షిండే, ఆహుతి ప్రసాద్, బ్రహ్మానందం, బ్రహ్మాజీ, వినయ్ ప్రసాద్లతో పాటు మరికొందరు ప్రముఖ నటీనటులు ముఖ్యపాత్రలు పోషిస్తున్నారు.