సూపర్‌స్టార్ మహేష్ బాబు నటించిన '1' సినిమా నేడు ప్రేక్షకుల ముందుకురాగా, రెండు తర్వాత రామ్ చరణ్ 'ఎవడు' అంటూ వస్తున్నాడు. అయితే ఈ సంక్రాంతికి సునీల్ హీరోగా సురేష్ ప్రొడక్షన్ నిర్మించిన 'భీమవరం బుల్లోడు' చిత్రాన్ని రిలీజ్ చేయడానికి ప్లాన్ చేసిన సంగతి మనకు తెలిసిందే.
అయితే, తాజాగా దీనిని వాయిదా వేసినట్టు సమాచారం. ఈ వాయిదాకి ఎవడు, '1' కారణం అయివుంటుందని టాలీవుడ్ వర్గాలు అంటున్నాయి. ఈ చిత్రాన్ని జనవరి 24న విడుదల చేయడానికి తాజాగా డేట్ నిర్ణయించినట్టు చెబుతున్నారు. ఉదయ శంకర్ దర్శకత్వంలో రూపొందిన ఈ సినిమాలో సునీల్ సరసన ఎస్తేర్ కథానాయికగా నటించింది!