నాగార్జున తనయుడు అఖిల్ వెండితెర అరంగేట్రం ఖరారైంది. "అత్తారింటికి దారేది" వంటి సూపర్ డూపర్ హిట్ చిత్రాన్ని ఇచ్చిన మిస్టర్ కూల్ డైరక్టర్ త్రివిక్రమ్.. సిసింద్రీని వెండితెరకు పరిచయం చేయనున్నారు. ఈ కల 2014 సంక్రాంతికి నెరవేరనుంది.
అఖిల్ రంగప్రవేశం చేయాలని తాతయ్య అక్కినేని నాగేశ్వర రావు కూడా ఎప్పటి నుంచో ఎదురు చూస్తున్నారు. ఇప్పటికే విదేశాల్లో నటనకు సంబంధించిన అన్ని కోర్సులను నేర్చుకున్న అఖిల్‌ను తొలుత స్టార్ ప్రొడ్యూసర్ డి.రామానాయుడు బేనర్ సురేష్ ప్రొడక్షన్‌ నిర్మించే చిత్రంలో హీరోగా పరిచయం చేయాలని భావించారు.
కానీ, ఈ ప్రతిపాదనను విరమించుకుని, అక్కినేని సొంత సంస్థ అన్నపూర్ణా స్టూడియోస్ పతాకంపై నిర్మించే చిత్రంలోనే అఖిల్ హీరోగా పరిచయం కానున్నాడు. ఈ చిత్రానికి చక్కటి కుటుంబ కథా చిత్రాలను తీసే దర్శకుడు త్రివిక్రమ్‌ను ఎంపిక చేశారు. సినిమాల్లో చక్కటి విలువలు ఉండేలా ఆయన మాత్రమే జాగ్రత్తలు తీసుకుంటాని అక్కినేని సన్నిహితులు భావించే త్రివిక్రమ్‌ను ఎంపిక చేసినట్టు సమాచారం.