తెలంగాణ రాష్ట్ర ప్రభుత్వం కొత్త ఇంటర్ పరీక్షల షెడ్యూల్‌ను ప్రకటించింది. జేఈఈ మెయిన్స్ ఎంట్రెన్స్ 2022 తేదీల్లో మార్పులు చోటుచేసుకోవడంతో రాష్ట్రంలో కూడా ఇంటర్ పరీక్షల తేదీల్లో మార్పులు చేశారు. ఈ మార్పులు చేసిన ఇంటర్ పరీక్షల షెడ్యూల్‌ను తాజాగా ప్రకటించారు.
ఇందులోభాగంగా, ఏప్రిల్ 22వ తేదీ నుంచి జరగాల్సిన ఇంటర్ పరీక్షలను మే 6వ తేదీ నుంచి ప్రారంభించాలన్న నిర్ణయించారు. దీంతో తెలంగాణాలో మే 6వ తేదీ నుంచి ఇంటర్ పరీక్షలు ప్రారంభంకానున్నాయి. ఈ మేరకు సవరించిన ఇంటర్ పరీక్షల టైమ్ టేబుల్‌ను ఆ రాష్ట్ర విద్యాశాఖ వెల్లడించింది.
ఈ పరీక్షలను మే 6వ తేదీ నుంచి 24వ తేదీ వరకు నిర్వహించనుండగా, ఉదయం 9 గంటల నుంచి మధ్యాహ్నం 12 గంటల వరకు నిర్వహించనున్నట్టు ఓ ప్రకటనలో ఇంటర్ బోర్డు తెలిపింది. మారిన ఇంటర్ షెడ్యూల్ ప్రకారం...