స్వీటీని చూసి సంబరపడిపోయిన తెలంగాణ సీఎం కేసీఆర్...

స్వీటీని చూసి తెలంగాణ ముఖ్యమంత్రి సంబరపడిపోయారు. స్వీటి అనగానే బాహుబలి అనుష్క అనుకుంటారంతా.. కానీ ఆమె కాదు. ఈమె పేరు సంజన అలియాస్ స్వీటీ. ఆమె మెదక్ జిల్లా కౌడిపల్లికి చెందినది. తన చదువు పూర్తయినా తను అనుకున్న కోర్సు చేసేందుకు డబ్బు లేదని ఆమె గతంలో తె

స్వీటీని చూసి తెలంగాణ ముఖ్యమంత్రి సంబరపడిపోయారు. స్వీటి అనగానే బాహుబలి అనుష్క అనుకుంటారంతా.. కానీ ఆమె కాదు. ఈమె పేరు సంజన అలియాస్ స్వీటీ. ఆమె మెదక్ జిల్లా కౌడిపల్లికి చెందినది. తన చదువు పూర్తయినా తను అనుకున్న కోర్సు చేసేందుకు డబ్బు లేదని ఆమె గతంలో తెలంగాణ ముఖ్యమంత్రి కేసీఆర్ కు అభ్యర్థించారు. 

విషయం తన దృష్టికి రావడంతో స్వీటీ పైలెట్ కోర్సుకు అవసరమైన రూ.30 లక్షల్ని ముఖ్యమంత్రి కేసీఆర్ సాయంగా అందించారు. ఆ డబ్బును అందిస్తూ... బాగా చదువుకుని అనుకున్నది సాధించాలని చెప్పారు. ముఖ్యమంత్రి నిధులతో ఆమె అమెరికాలో పైలట్ కోర్సు చేసి ఉద్యోగాన్ని కూడా సంపాదించారు. 

ఈ సంతోషకరమైన విషయాన్ని ముఖ్యమంత్రి కేసీఆర్ ను స్వయంగా కలిసి తెలియజేశారు. ఆమెకు ఉద్యోగం వచ్చిందన్న విషయాన్ని తెలుసుకుని కేసీఆర్ ఎంతో సంతోషాన్ని వ్యక్తం చేస్తూ... మరింత ఉన్నత స్థితికి చేరుకోవాలని ఆశీర్వదించారు. ఆమె స్ఫూర్తితో మరింతమంది ఉన్నతమైన చదువులు చదివి అగ్రస్థానానికి చేరుకోవాలని ఆకాంక్షించారు కేసీఆర్.