వనపర్తి జిల్లాలో ఎంత పేద్ద కొండ చిలువో!

వనపర్తి జిల్లా కొత్తకోట మండలం నేషనల్ హైవే పక్కన ఉన్న హైలెట్ దాబా వెనకాల పొలంలో ట్రాక్టర్ తో దున్నుతుండగా నాగేళ్లకు కొండచిలువ తగిలింది. ఈ పెద్ద కొండచిలువ చూసి భయానికి గురైన ట్రాక్టర్ డ్రైవర్ సాయిలు వెంటనే సమీపంలో ఉన్న గ్రామ ప్రజలకు తెలియజేశారు.

వెంటనే గ్రామ ప్రజలు ఎమ్మార్వో కి సమాచారం అందించారు. విషయం తెలుసుకున్న కొత్తకోట ఎమ్మార్వో వనపర్తి సాగర్ స్నేక్ సొసైటీ అధ్యక్షుడు కృష్ణ సాగర్ కి సమాచారం అందించారు. సంఘటన స్థలానికి కృష్ణ సాగర్ వెళ్లి దాదాపు 13 ఫీట్ల పొడవు 25 కేజీల బరువు ఉన్న పెద్ద కొండచిలువను అతి కష్టం మీద బంధించడం జరిగింది.

ఈ సందర్భంగా కృష్ణ సాగర్ మాట్లాడుతూ ఇంత పెద్ద కొండచిలువను చూడటం.. ఇదే మొదటిసారి అని చెప్పారు. కొండచిలువ వయస్సు సుమారు 15 సంవత్సరాలు ఉంటుందని,  కొండచిలువను సురక్షితమైన నల్లమల అడవి ప్రాంతంలో వదిలి వేయడం జరుగుతుందన్నారు.

అనంతరం కొత్తకోట ఎమ్మార్వో తో పాటు కనిమెట్ట గ్రామ ప్రజలు  సాగర్ స్నేక్ సొసైటీ సభ్యులు శివ సాగర్ గణేష్ అభినందించారు.