మహిళలకు స్వేచ్చ ఇవ్వాలి… వాళ్ళ అభివృద్ధిపై దృష్టి పెట్టాలని పేర్కొంటూ.. సిటీ పోలీస్ తరపున మహిళలందరికి మహిళా దినోత్సవ శుభాకాంక్షలు తెలిపారు హైదరాబాద్‌ నగర పోలీస్ కమిషనర్ సీవీ ఆనంద్. మహిళా దినోత్సవ వేడుకల్లో ఆయన పాల్గొన్నారు. ఈ సందర్భంగా ఆయన మాట్లాడుతూ..
అన్ని రంగాలలో మహిళల పాత్ర పెరుగుతుంది. యుద్ధ విమానాలు, యుద్ధ నౌకలు కూడా మహిళలు ముందు ఉండి నడిపిస్తున్నారు. ఇటీవల సినిమాలలో కూడా మహిళల పాత్ర చాలా గొప్పగా చూపిస్తున్నారు. సినిమాల ప్రభావం వల్ల పోలీస్ అవ్వాలని అందరూ అనుకుంటున్నారని ఆనంద్ అన్నారు.
ఏకానమీ థియరీ ప్రకారం సమాజంలో మహిళలు 50శాతం ఉంటారు… వాళ్ళు అన్ని రంగాలలో లేకపోతే ఏకానామీ, జీడీపీ పడిపోతుందన్నారు సీవీ ఆనంద్.
ఈ రోజు ఉమెన్స్ డే, చాలా మంచి రోజు. అందుకే ఈ రోజు ఒక విమెన్ ను SHOగా అపాయింట్ చేసామన్నారు. మహిళలు భవిష్యత్తుపై దృష్టి పెట్టాలి. ఉన్నత స్థాయికి చేరాలి.1200 మంది మహిళా సిబ్బందికి సాయంత్రం జీవీకే మాల్‌లో భీమ్లా నాయక్ సినిమా ఫ్రీ గా చూపిస్తున్నాం అని వివరించారు సీపీ సీవీ ఆనంద్.