బూతు బొమ్మలు చూస్తున్నాడనీ... కన్నబిడ్డ చేయి నరికేసిన తండ్రి

ఫోనులో బూతు బొమ్మలు, అశ్లీల వీడియోలు చూస్తున్నాడని కన్నబిడ్డ చేయి నరికేశాడో తండ్రి. ఈ ఘటన హైదరాబాద్ పాతబస్తీలోని పహాడీఫరీఫ్‌లో జరిగింది. ఈ వివరాలను పరిశీలిస్తే,

ఫోనులో బూతు బొమ్మలు, అశ్లీల వీడియోలు చూస్తున్నాడని కన్నబిడ్డ చేయి నరికేశాడో తండ్రి. ఈ ఘటన హైదరాబాద్ పాతబస్తీలోని పహాడీఫరీఫ్‌లో జరిగింది. ఈ వివరాలను పరిశీలిస్తే, 

పహాడీఫరీష్ జల్ పల్లి ప్రాంతానికి చెందిన మహ్మద్ ఖయ్యుం అనే వ్యక్తి ఎలక్ట్రిషియన్‌గా పని చేస్తూ తన కుటుంబాన్ని పోషిస్తున్నాడు. ఈయన పెద్ద కుమారుడు ఖాలెద్ ఖురేషీ (18) లోకల్ కేబుల్ ఆఫీస్‌లో పని చేస్తుంటాడు. కొంత కాలంగా ఖురేషీ ప్రవర్తనలో మార్పు వచ్చింది. పనికి కూడా సరిగా వెళ్లకుండా, పొద్దస్తమానం ఇంట్లోనే కూర్చొని, ఫోను చూడటమే పనిగా పెట్టుకున్నాడు. ఇది గమనించిన తండ్రి.. ఏం జరుగుతుందో దృష్టి పెట్టాడు. అశ్లీల దృశ్యాలు చూస్తున్నాడని గుర్తించి మందలించాడు. అయినా ప్రవర్తనలో మార్పురాలేదు. 

దీంతో కుమారుడి మొబైల్ దాచగా, తండ్రికుమారుల మధ్య గొడవ జరిగింది. ఓ సారి తండ్రిపైనే దాడి చేసి ఇంట్లో నుంచి వెళ్లిపోయాడు. మళ్లీ సర్ధిచెప్పి మళ్లీ ఇంటికి తీసుకొచ్చాడు. అయినా వినకుండా మార్చి 5వ తేదీ సోమవారం ఇంట్లో ఖురేషీ అదే పనిగా మళ్లీ మొబైల్ చూస్తూ తండ్రి కంట పడ్డాడు.

కొడుకు ప్రవర్తనలో మార్పు రాకపోవటంతో ఒక్కసారిగా ఆవేశం కట్టలు తెంచుకుంది. తండ్రి ఖయ్యూం.. మాంసం కొట్టే కత్తితో కుమారుడి చేయి నరికాడు. ఈ విషయం తెలుసుకున్న స్థానికులు ఖురేషీని ఆస్పత్రికి తరలించారు. పోలీసులు కేసు నమోదు చేసి విచారణ చేస్తున్నారు. కుమారుడి చేయి నరికింది నేనే అంటూ తండ్రి పోలీసుల ఎదుట ఒప్పుకున్నాడు.