కబడ్డీ క్రీడల ప్రారంభోత్సవంలో కూలిన గ్యాలరీ... పలువురికి గాయాలు

సూర్యపేటలో గుంతకండ్ల సావిత్రమ్మ పేరు మీద నిర్వహిస్తున్న జాతీయ జూనియర్‌ కబడ్డీ క్రీడల ప్రారంభోత్సవంలో అపశ్రుతి చోటుచేసుకుంది. 47వ జాతీయ జూనియర్‌ కబడ్డీ క్రీడల ప్రారంభోత్సవంలో గ్యాలరీ కూలి పలువురికి గాయాలయ్యాయి. క్షతగాత్రులను ఆస్పత్రికి తరలించారు.

గ్యాలరీలో సామర్థ్యానికి మించి ప్రేక్షకులు కూర్చోవడంతో గ్యాలరీ కుప్పకూలింది. దీనితో పదుల సంఖ్యలో ప్రేక్షకులకు గాయాలయ్యాయి. బాధితులను 108 సిబ్బంది ఆస్పత్రికి తరలిస్తోంది. ప్రమాద సమయంలో గ్యాలరీలో దాదాపు 1500 మంది ప్రేక్షకులున్నట్లు సమాచారం. 

జాతీయ కబడ్డీ క్రీడల కోసం 3 గ్యాలరీలు ఏర్పాటు చేసారు. ఒక్కో గ్యాలరీలో 5 వేల మంది కూర్చునేలా ఏర్పాటు. కబడ్డీ క్రీడల కోసం పలు రాష్ట్రాల నుంచి క్రీడాకారులు వచ్చారు.