పెళ్లి కోసం డిపాజిట్​ చేస్తే పాలసీలు చేశాడు

ఎల్ఐసీలో ఫిక్స్డ్​ డిపాజిట్​ చేస్తానంటూ ఓ ఏజెంట్​ ఎల్​ఐసీ ఖాతాదారులను మోసం చేశాడు. రూ.85వేలను తమకు తెలియకుండానే నాలుగు పాలసీలుగా విభజించాడు.

భద్రాచలంలో జరిగిన ఈ ఘటనపై అధికారులు చర్యలు తీసుకోవాలంటూ బాధితుల కుటుంబం ఆందోళన చేసింది. భద్రాద్రి కొత్తగూడెం జిల్లా భద్రాచలంలోని ఎల్ఐసీ కార్యాలయం ఎదుట ఓ బాధిత కుటుంబం ధర్నా చేసింది.

జిల్లాలోని బూర్గంపాడు మండలం సారపాక గ్రామానికి చెందిన ముస్తఫా 2010లో ఓ ఎల్​ఐసీ ఏజెంట్​ వద్ద రూ.85వేలు ఫిక్స్​డ్​ డిపాజిట్ చేసేందుకు నిర్ణయించుకుని డబ్బు అప్పజెప్పాడు. కానీ ఆ ఏజెంట్ ఫిక్స్​డ్​ డిపాజిట్ చేయకుండా 4 పాలసీలుగా విభజించి మోసం చేశాడని బాధితులు ఆరోపించారు.

తమ కూతురు పెళ్లి కోసమని కష్టపడి సంపాదించిన ధనాన్ని 2010లో ఫిక్స్​డ్​ డిపాజిట్​ చేయగా.. వాటిని పాలసీలుగా విభజించారని వాపోయారు. తమకు న్యాయం జరిగేంత వరకు ధర్నా విరమించబోమని తెలిపారు. వారికి జరిగిన అన్యాయాన్ని స్థానిక ఎల్ఐసీ కార్యాలయంలోని మేనేజర్​తో చర్చించారు.

తమకు న్యాయం చేయాలని... కట్టిన డబ్బులకు వడ్డీ రాకపోయినా అసలు డబ్బులు ఇప్పించాలంటూ కుటుంబ సభ్యులు ధర్నా చేశారు.