తెలంగాణలో రాజకీయాలు కొన్ని రోజులుగా హాట్ హాట్‌గా సాగుతున్నాయి. కాంగ్రెస్ పార్టీకి సీనియర్ నేత కోమటిరెడ్డి రాజగోపాల్ రెడ్డి రాజీనామా చేయడంతో పొలిటికల్ హీట్ మరింత పెరిగింది. మునుగోడుకు త్వరలో ఉప ఎన్నిక రానుండటంతో అన్ని పార్టీలు అక్కడే ఫోకస్ చేశాయి.
అయితే ఉప ఎన్నిక రాదని.. అసెంబ్లీని రద్దు చేసి కేసీఆర్ ముందస్తు ఎన్నికలకు వెళ్తారనే ప్రచారం తెరపైకి వచ్చింది. ఈ నేపథ్యంలో సీఎం కేసీఆర్ సాయంత్రం నాలుగు గంటలకు మీడియా సమావేశం ఏర్పాటు చేశారు. దీంతో కేసీఆర్ ఏం చెప్పబోతున్నారన్నది ఆసక్తిగా మారింది.
ముఖ్య‌మంత్రి కేసీఆర్ మ‌రోసారి మీడియా ముందుకు రానున్నారు. శనివారం సాయంత్రం 4 గంటలకు సీఎం కేసీఆర్ మీడియాతో మాట్లాడనున్నారు. ఈ ప్రెస్‌మీట్ ప్ర‌గ‌తి భ‌వ‌న్‌లో జ‌ర‌గ‌నుంది.
రాష్ట్రానికి సంబంధించిన అంశాల‌తో పాటు ఇత‌ర అంశాల‌పై కూడా కేసీఆర్ మీడియాతో మాట్లాడే అవ‌కాశం ఉంది. కేసీఆర్ ప్రెస్‌మీట్‌లో ఏం మాట్లాడుతారా? అన్న విష‌యంపై స‌ర్వ‌త్రా ఆస‌క్తి మొద‌లైంది.