తెలంగాణ రాష్ట్ర రోడ్డు రవాణా సంస్థ (టీఎస్‌ఆర్‌టీసీ) ఇక నుంచి టీజీఎస్‌ఆర్‌టీసీగా పిలవబడుతుంది. టీజీఎస్సార్టీసీ లోగో కూడా నవీకరించబడుతుంది. రాష్ట్ర ప్రభుత్వ ఆదేశాలను అనుసరించి, కార్పొరేషన్‌కు టీజీఎస్సార్టీసీగా పేరు మార్చారు.
మరోవైపు కార్పొరేషన్‌ కొత్త లోగోకు సంబంధించిన పనులు కూడా కొనసాగుతున్నాయి. కొత్త లోగో విషయంలో జరుగుతున్న ప్రచారం పూర్తిగా అవాస్తవమని, ఇప్పటివరకూ అధికారికంగా కొత్త లోగోని సంస్థ విడుదల చేయలేదని ఎండీ వీసీ సజ్జనార్‌ స్పష్టం చేశారు.
2014లో రాష్ట్ర విభజన తర్వాత అప్పటి ఏపీఎస్‌ఆర్‌టీసీని విభజించి టీఎస్‌ఆర్‌టీసీ ఏర్పాటు చేశారు. దశాబ్దం తర్వాత మళ్లీ పేరు మారింది.