Allu Arjun: రేవతి మరణానికి అల్లు అర్జునే కారణం.. రాళ్లు రువ్విన జాక్ (video)

Allu Arjun House

సంధ్య థియేటర్ వద్ద జరిగిన తొక్కిసలాట ఘటనలో బాధిత కుటుంబానికి న్యాయం చేయాలని డిమాండ్ చేస్తూ విద్యార్థి సంఘాలు నిరసన చేపట్టడంతో హైదరాబాద్‌లో నటుడు అల్లు అర్జున్ నివాసం వెలుపల ఉద్రిక్త పరిస్థితులు నెలకొన్నాయి. ఈ సంఘటనలో ప్రాణాలు కోల్పోయిన రేవతి మరణానికి అల్లు అర్జున్ కారణమని విద్యార్థులు ఆరోపించారు. "జాగ్రత్త అల్లు అర్జున్" వంటి నినాదాలు చేస్తూ నిరసనకారులు ఆందోళన చేపట్టారు. 

ఉస్మానియా విశ్వవిద్యాలయ విద్యార్థి జాయింట్ యాక్షన్ కమిటీ (జెఎసి) నాయకులు అల్లు అర్జున్ నివాసంపై రాళ్ళు, టమోటాలు విసిరారు. కొంతమంది నిరసనకారులు ఇంట్లోకి బలవంతంగా చొరబడటానికి ప్రయత్నించారు. ప్రాంగణంలోని పూల కుండలను రాళ్ళు రువ్వడంతో ధ్వంసం అయ్యాయి. దీంతో అల్లు అర్జున్ నివాసం చుట్టూ భద్రతను పెంచారు.