1000 కొత్త ఎలక్ట్రిక్ బస్సులకు ఆర్డర్ చేసిన టీజీఎస్సార్టీసీ

తెలంగాణ రాష్ట్ర రోడ్డు రవాణా సంస్థ (టీజీఎస్సార్టీసీ) 1000 కొత్త ఎలక్ట్రిక్ బస్సులకు ఆర్డర్ చేసింది. దశలవారీగా ఈ బస్సులు రోడ్డెక్కనున్నాయి. ప్రస్తుతం, ఆర్టీసీ కింద ఎలక్ట్రిక్ బస్సులు గ్రాస్ కాస్ట్ కాంట్రాక్ట్ (జీసీసీ) మోడల్‌లో నడుస్తున్నాయి.

1000 ఎలక్ట్రిక్ బస్సుల్లో 500 ఎలక్ట్రిక్ బస్సులను హైదరాబాద్‌లోనే నడిపే అవకాశం ఉంది. ఇతర ఎలక్ట్రిక్ బస్సులు సూర్యాపేట, వరంగల్, నల్గొండ, కరీంనగర్, నిజామాబాద్ మొదలైన అధిక ట్రాఫిక్ రూట్లలో పనిచేస్తాయి.

హెచ్‌సియు, హయత్‌నగర్‌తో సహా డిపోలలో డీజిల్ బస్సుల స్థానంలో ఎలక్ట్రిక్ బస్సులు కూడా ఉంటాయి. ప్రస్తుతం ఉన్న కొన్ని ఎలక్ట్రిక్, డీజిల్ బస్సులను ప్రజల కోసం  డిమాండ్ ఉన్న గ్రామీణ ప్రాంతాలకు కేటాయించబడుతుంది.

మరోవైపు ఎంజీబీఎస్‌, జేబీఎస్‌, హెచ్‌సీయూ, హయత్‌నగర్‌-2, రాణిగంజ్‌, కూకట్‌పల్లి, బీహెచ్‌ఈఎల్‌, హైదరాబాద్‌-2, వరంగల్‌, సూర్యాపేట, కరీంనగర్‌-2, నిజామాబాద్‌ సహా పలు డిపోల్లో కూడా ఛార్జింగ్‌ స్టేషన్లు ఏర్పాటు చేస్తున్నారు.