ప్రేమకు హద్దులు లేవు. వరంగల్ నుండి వచ్చిన ఈ కథ దానికి నిదర్శనం. వరంగల్‌లోని నవయుగ కాలనీకి చెందిన యువకుడు సూర్య ప్రీతం, ఇటాలియన్ అమ్మాయి మార్తా పెట్లోనిని వివాహం చేసుకున్నాడు. ఇటీవల వారి కుటుంబ పెద్దల ఆమోదంతో వివాహం చేసుకున్నారు. ఐదు సంవత్సరాల క్రితం లండన్‌లో ఉన్నత విద్యను అభ్యసిస్తున్నప్పుడు ఇద్దరూ కలుసుకున్నారు. వారి స్నేహం త్వరలోనే ప్రేమగా మారింది.
కొడపాక సదానందం, ప్రసన్నరాణిల కుమారుడు సూర్య తన ఉన్నత చదువుల కోసం లండన్‌కు వెళ్లాడు. అక్కడ, అతను ఇటలీకి చెందిన మార్తా పెట్లోనిని కలిశాడు. వారి పరిచయం క్రమంగా ప్రేమ బంధంగా మారింది. చదువు పూర్తి చేసిన తర్వాత, ఇద్దరూ లండన్‌లో సాఫ్ట్‌వేర్ ఇంజనీర్లుగా స్థిరపడ్డారు.
సూర్య, మార్తా తమ సంబంధం గురించి తమ కుటుంబాలకు తెలియజేసినప్పుడు, రెండు కుటుంబాలు తమ ఆశీర్వాదాలను ఇచ్చాయి. వివాహ వేడుక బుధవారం దేశాయిపేటలోని సీఎస్ఐ హోలీ మత్తాయి చర్చిలో కుటుంబం, బంధువులు, స్నేహితుల సమక్షంలో జరిగింది.