నేను దెబ్బ కొడితే ఇక లేవడం ఉండదు: రేవంత్ సర్కార్ పైన కేసీఆర్ పంచ్

తెలంగాణ రాష్ట్రాన్ని అన్ని దిక్కులా కాంగ్రెస్ ప్రభుత్వం సర్వనాశనం చేస్తోందని మాజీ సీఎం కేసీఆర్ అన్నారు. బీఆర్ఎస్ హయాంలో భూముల ధరలు కోట్లకు వెళితే... ఇప్పుడా ధరలు నేల చూపులు చూస్తున్నాయని అన్నారు. హైదరాబాదులోని ప్రతి వ్యాపారస్తుడు కాంగ్రెస్ ప్రభుత్వాన్ని తన్ని తరిమేద్దామని ఎదురుచూస్తున్నారని చెప్పుకొచ్చారు.

స్వయంగా కాంగ్రెస్ పార్టీవాళ్లే కేసీఆర్ ప్రభుత్వం కావాలా కాంగ్రెస్ ప్రభుత్వం కావాలా అని పోల్ పెడితే... కేసీఆర్ ప్రభుత్వమే కావాలని 70 శాతం మంది చెప్పారని అన్నారు. తను ఏడాది పాటు మౌనంగా వున్నాననీ, ఇక వచ్చే ఫిబ్రవరి నెలలో భారీ బహిరంగ సభ పెట్టి ప్రభుత్వ వైఫల్యాలను ఎండగట్టాల్సిందేనన్నారు.