ఇటీవలి కాలంలో పురుషులపై మానసిక, భౌతిక దాడులు పెరిగిపోతున్నాయి. ముఖ్యంగా దంపతుల మధ్య ఏర్పడే మనస్పర్థలు కారణంగా పరస్పరం దాడులు చేసుకుంటున్నారు. అనేక సంఘటనల్లో భర్తలపై భార్యలు దాడులు చేస్తున్నారు. పరాయి పురుషులతో అక్రమ సంబంధాలు పెట్టుకుని కట్టుకున్న భర్తను కడతేర్చుతున్నారు. ఈ తరహా హత్యలు ఇటీవలి కాలంలో ఎక్కువగా జరుగుతున్నాయి.
ఈ నేపథ్యంలో హైదరాబాద్ నగరంలోని హైదర్‌గూడకు చెందిన ఓ వ్యక్తి తన భార్య నుంచి రక్షణ కల్పించాలంటూ ప్రాధేయపడుతున్నారు. ఈ మేరకు ఆయన మీడియాకు విజ్ఞప్తి చేస్తున్నాడు. ఇదే విషయంపై ఎన్.ఎస్.ఎస్‌లో ఏర్పాటు చేసిన విలేకరుల సమావేశంలో మాట్లాడుతూ, తన భార్య నుండి తనకు, తన తల్లిదండ్రులకు ప్రాణహాని ఉందని రక్షణ కల్పించాలంటూ ఓ బాధిత భర్త పోలీసులను వేడుకున్నాడు. తమకు వివాహమైనప్పటి నుంచి తనను మానసికంగా, శారీరకంగా హింసిస్తుందని బాధితుడు టెమూజియన్ ఆవేదన వ్యక్తం చేశాడు. తనపై ఒంటిపై భార్య చేసిన గాయాలను చూపిస్తూ, మీడియాతో తన గోడును చెప్పుకున్నాడు.