Car Climbs Wall: కాంపౌండ్ గోడపైకి ఎక్కిన కారు.. డ్రైవర్ ఎలా నడిపాడంటే?

కొన్నిసార్లు ప్రమాదాలు ఎలా జరుగుతాయో తెలియదు. చిటికెలో జరగాల్సింది జరిగిపోతుంది. అయితే ఆ తర్వాత జరిగే సంఘటనలు అందరికీ షాకింగ్‌లా వుంటాయి. తాజాగా మేడ్చల్ జిల్లా దుండిగల్ పోలీస్ స్టేషన్ పరిధిలోని శంబిపూర్ గ్రామంలో శుక్రవారం తెల్లవారుజామున ఒక నాటకీయ సంఘటన జరిగింది. 

మల్లంపేట-శంబిపూర్ రహదారిపై కారు అదుపు తప్పి రోడ్డు పక్కన ఉన్న గోడను ఢీకొట్టింది. నిద్రలో ఉన్న డ్రైవర్ నియంత్రణ కోల్పోయి వాహనం ఒక ఇంటి కాంపౌండ్ గోడపైకి ఎక్కించేశాడు.

స్థానికుల సమాచారంతో ట్రాఫిక్ పోలీసులు వెంటనే సంఘటనా స్థలానికి చేరుకుని క్రేన్ ఉపయోగించి వాహనాన్ని సురక్షితంగా తొలగించారు. ఈ ఘటనలో ఎవరికీ గాయాలు కాలేదు.