Kukatpally: కూకట్‌పల్లిలో రూ.2కోట్ల డ్రగ్స్‌తో ముఠా అరెస్ట్

కూకట్‌పల్లి పోలీస్ స్టేషన్ పరిధిలో మాదకద్రవ్యాల విక్రయ ముఠాను ఎస్ఓటీ పోలీసులు అరెస్టు చేశారు. ఆంధ్రప్రదేశ్‌లోని అద్దంకికి చెందిన ఈ ముఠా కూకట్‌పల్లిలోని వివేకానంద నగర్ కాలనీలో మాదకద్రవ్యాలు విక్రయిస్తోంది. ఈ మేరకు ముఠాలోని ఐదుగురు సభ్యులను అరెస్టు చేశారు. వారి వద్ద 800 గ్రాముల ఎఫెడ్రిన్ (పనితీరును పెంచే డ్రగ్), 5 మొబైల్ ఫోన్లు, రూ. 50వేల నగదును స్వాధీనం చేసుకున్నారు. 

ఈ డ్రగ్స్ విలువ దాదాపు రూ. 2 కోట్లు ఉంటుందని చెబుతున్నారు. తిరుపతికి చెందిన ఒక కానిస్టేబుల్ కూడా ఈ ముఠాలో భాగమని తేలింది. అయితే, అతను పరారీలో ఉన్నాడు. తెలుగు రాష్ట్రాల్లో మాదకద్రవ్యాల కట్టడి కోసం  నార్కోటిక్స్ శాఖ ముఠాలను ఛేదిస్తున్నప్పటికీ, పెద్ద మొత్తంలో డబ్బు కోసం ఆరాటపడటం వల్ల అక్రమ రవాణాదారులు రోజురోజుకూ పెరుగుతున్నారు. 

సెలబ్రిటీలు, విద్యార్థులు, యువత మాదకద్రవ్యాలకు అలవాటు పడుతున్నారు. దీంతో మాదక ద్రవ్యాల ముఠాలు ఈ బలహీనతను ఆసరాగా చేసుకుంటున్నాయి.