హైదరాబాద్ పొటాటో చిప్స్ గొడౌన్‌లో అగ్ని ప్రమాదం... ప్రాణ నష్టం జరిగిందా?

హైదరాబాదులో గోడౌన్‌లో అగ్నిప్రమాదం చోటుచేసుకుంది. గోడౌన్‌లో ప్లాస్టిక్, ఫైబర్, ఇతర మండే పదార్థాలు ఉండటం వల్ల, ఆ ప్రాంతంలో దట్టమైన పొగ కమ్ముకుంది, దీనితో స్థానికులు భయాందోళనలకు గురయ్యారు. బుధవారం శివార్లలోని జగద్గిరిగుట్టలోని పాపిరెడ్డి నగర్‌లోని బంగాళాదుంప చిప్స్ తయారీ కంపెనీ గోడౌన్‌లో భారీ అగ్నిప్రమాదం సంభవించింది.  ఎటువంటి ప్రాణనష్టం జరగలేదు. కానీ ఆస్తి నష్టం భారీగా ఉంది. 

వివరాల్లోకి వెళితే.. సూర్య ఎంటర్‌ప్రైజెస్ కంపెనీ గోడౌన్‌లో తెల్లవారుజామున మంటలు చెలరేగాయి. సమాచారం అందుకున్న స్థానిక పోలీసులు, అగ్నిమాపక శాఖ సిబ్బందితో కలిసి సంఘటన స్థలానికి చేరుకున్నారు. రెండు అగ్నిమాపక యంత్రాలను ఉపయోగించి మంటలను పూర్తిగా ఆర్పారు. జగద్గిరిగుట్ట పోలీసులు దర్యాప్తు చేస్తున్నారు.