ఆ పదవి నుంచి నన్ను తప్పించండి అని అధిష్టానాన్ని రిక్వెస్ట్ చేసానంటున్న సీఎం రేవంత్ రెడ్డి (video)

తెలంగాణ ముఖ్యమంత్రి రేవంత్ రెడ్డి ఏ విషయాన్నయినా ముక్కుసూటిగా చెప్పేస్తారు. ఎలాంటి దాపరికాలు అస్సలు వుండవు. ఈ రోజు ఆయన మీడియాతో మాట్లాడుతూ... బుధవారం నాడు మా అధిష్టానం నాయకులతో భేటీ అయినట్లు చెప్పారు.

తనకు 2021లో పీసీసీ అధ్యక్ష పదవిని ఇచ్చారనీ, ప్రస్తుతం ఆ పదవీ కాలం ముగియబోతుందని చెప్పారు. కనుక తనను ఆ పదవి నుంచి తప్పించి సమర్థులైన వారినీ, సామాజిక న్యాయాన్ని పరిగణనలోకి తీసుకుని ఎంపిక చేయాలని చెప్పినట్లు వెల్లడించారు.

తను పిసీసీ అధ్యక్ష పదవి చేపట్టిన తర్వాత అసెంబ్లీ ఎన్నికలు వచ్చాయనీ, ఈ ఎన్నికల్లో కాంగ్రెస్ పార్టీకి ఘన విజయం చేకూరిందని గుర్తు చేసారు. అలాగే పార్లమెంటు ఎన్నికల్లో కూడా కాంగ్రెస్ పార్టీ పుంజుకున్నదని అన్నారు.