బిల్డింగ్ పైనుంచి దూకి సాఫ్ట్వేర్ ఉద్యోగి ఆత్మహత్య

హైదరాబాద్ లోని కోకాపేటలో విషాదకర సంఘటన చోటుచేసుకున్నది. అప్పుల బాధతో ఓ సాఫ్ట్వేర్ ఇంజినీర్ భవనం పైనుంచి దూకి ఆత్మహత్యకు పాల్పడ్డాడు. పోలీసులు తెలిపిన వివరాలు ఇలా వున్నాయి. ఆంధ్ర ప్రదేశ్ లోని తణుకుకి చెందిన 27 ఏళ్ల నాగ ప్రభాకర్ గచ్చిబౌలిలోని హాస్టల్ లో వుంటూ ఓ సాఫ్ట్వేర్ కంపెనీలో ఉద్యోగం చేస్తున్నాడు. ఐతే కొంతకాలంగా అతడు అప్పుల్లో ఇరుక్కున్నాడు.

ఆ అప్పులను తీర్చలేక మధనపడుతూ వుండేవాడు. ఈ క్రమంలో కోకాపేటలోని విరూపాక్ష మెన్స్ హాస్టలుకి వచ్చాడు. అక్కడ 7వ అంతస్తు నుంచి కిందికి దూకేసి ప్రాణాలు తీసుకున్నాడు. ఐతే గచ్చిబౌలి హాస్టల్లో వుండే నాగ ప్రభాకర్ ఇక్కడికి ఎందుకు వచ్చాడన్నది ప్రశ్నగా మారింది. కాగా ప్రభాకర్ మృతిపై సికింద్రాబాదులో వుంటున్న అతడి సోదరి ఇచ్చిన ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు.