హచ్ కుక్కను దొంగతనం, కూడూనీళ్లు లేకుండా బోరుమంటూ ఏడుస్తున్న కుటుంబం

హచ్ కుక్కను అర్థరాత్రి ఎవరో దొంగతనం చేసి తీసుకుని వెళ్లిపోయారని ఇంటిల్లిపాది కుటుంబ సభ్యులు విలపిస్తున్నారు. ఈ ఘటన మంథనిలోని శ్రీరాంనగర్ లో జరిగింది. పూర్తి వివరాలు చూస్తే... మంథని లోని శ్రీరాంనగర్‌లో ఓ కుటుంబానికి చెందిన హచ్ కుక్కను ఇంటి ముందు కట్టేసి వుంచగా, అర్థరాత్రి సమయంలో ఇద్దరు మగాళ్లు, ఓ మహిళ కలిసి దొంగతనం చేసారని బాధితులు ఆవేదన వ్యక్తం చేస్తున్నారు. 

తాము పెంచుకుంటున్న ఆ హచ్ కుక్క ఏసీ లేనిదే పడుకోదనీ, సోఫా పైన మెత్తగా పడుకుంటుందని చెబుతున్నారు. ఆ కుక్క కనిపించకుండా పోయిన దగ్గర్నుంచి తాము నిద్రాహారాలు మానివేసామని కన్నీళ్లు పెట్టుకుంటున్నారు. తమకు ఆకలి లేదని అంటున్నారు. తమ కుక్కపిల్లని ఎత్తుకెళ్లినవారు తిరిగి తమ ఇంటివద్ద వదిలేయాలనీ, తాము వారిపైన పోలీసు కేసు కూడా పెట్టబోమని, దయచేసి కుక్కపిల్లను తెచ్చివ్వండి అంటూ ప్రాథేయపడుతున్నారు.