సోషల్ మీడియాలో ఒళ్లు గగుర్పాటుకు గురిచేసే వీడియోలు ఎన్నో వైరల్ అవుతూనే వున్నాయి. తాజాగా బస్సు చక్రాల కింద పడి ఓ విద్యార్థి ప్రాణాలు కోల్పోయిన వీడియో నెట్టింట వైరల్ అవుతోంది. హైదరాబాద్ బోరబండ పోలీస్ స్టేషన్ పరిధిలో జరిగిన ప్రమాదంలో శివచరణ్ (11) అనే విద్యార్థి మృతి చెందాడు.
స్కూల్ నుంచి సైకిల్ పై ఇంటికి వెళ్తుండగా.. కార్మిక నగర్ నుంచి వస్తున్న శ్రీసాయి చైతన్య స్కూల్ బస్సు శివ చరణ్‌పై దూసుకెళ్లింది. ఈ ఘటనలో తీవ్రంగా గాయపడిన శివ అక్కడికక్కడే ప్రాణాలు కోల్పోయాడు.
వివరాల్లోకి వెళితే.. ఓం నగర్‌లో నివసించే చిరంజీవి అనే శివ చరణ్ (11) అనే కుర్రాడు స్థానికంగా ఉండే సెయింట్ సలోమోన్స్ పాఠశాలలో ఐదవ తరగతి చదువుతున్నాడు.
స్కూలు ముగియగానే సైకిల్‌పై ఇంటికి వెళ్తుండగా.. ఎస్పీఆర్ హిల్స్ నుండి రోడ్డుపైకి చరణ్ వస్తుండగా.. కార్మిక నగర్ వస్తున్న శ్రీ సాయి చైతన్య పాఠశాల బస్సు రోడ్డు పైకి వచ్చింది. అనుకోకుండా ఆ బస్సు రోడ్డుపైకి రావడంతో శివ అదుపుతప్పి బస్సు కింద పడిపోయాడు.
బస్సు చక్రాలు అతని మీద నుంచి వెళ్లిపోయాయి. ఈ ఘటనలో గాయపడిన విద్యార్థిని ఆసుపత్రికి తరలిస్తుండగా మృతి చెందాడు.