తెలంగాణ రాష్ట్రం కోసం పోరాడి ప్రాణాలను త్యాగం చేసిన అమర వీరులు ఒక్కొక్క కుటుంబానికి రూ. 10 లక్షల చొప్పున ఆర్థిక సాయాన్ని అందిస్తామని ముఖ్య మంత్రి కె.చంద్రశేఖర్ రావు ప్రకటించారు. ఈ మొత్తం వెంటనే ఆయా కుటుంబాలకు అందే విధంగా చర్యలు చేపడతామని కేసీఆర్ తెలిపారు.
అంతేకాకుండా వీరుల కుటుంబంలో ఒకరికి ఉద్యోగ అవకాశం కల్పిస్తామని కేసీఆర్ హామీ ఇచ్చారు. ఈ విషయంపై సదరు జిల్లాల మంత్రులు, కలెక్టర్లు సమీక్ష చేపట్టాలని ఆదేశాలు జారీ చేశారు. అయితే కుటుంబంలో ఎవరికి ఉద్యోగం కల్పించాలన్న విషయంపై కుటుంబసభ్యులే నిర్ణయించుకోవాలన్నారు. ఒకవేళ ప్రభుత్వ ఉద్యోగం వద్దంటే ప్రత్యామ్నాయ ఉపాధి చూపుతామని కేసీఆర్ వివరించారు.