మట్టికరిచిన శ్రీలంక: ప్రోటీస్‌దే వార్మప్ విజయం

శ్రీలంకతో బుధవారం జరిగిన ఐసీసీ ప్రపంచ ట్వంటీ- 20 వార్మప్ మ్యాచ్‌లో దక్షిణాఫ్రికా ఆరు వికెట్ల తేడాతో విజయం సాధించింది. శ్రీలంక ఉంచిన 110 పరుగుల లక్ష్యాన్ని 19.1 ఓవర్లలో నాలుగు వికెట్లు కోల్పోయి దక్షిణాఫ్రికా ఛేదించింది. గిబ్స్ (48), డివిలియర్స్ (32) రాణించారు. వీరిద్దరూ శ్రీలంక బౌలర్లను సమర్థవంతంగా ఎదుర్కొంటూ జట్టును విజయతీరాలకు చేర్చారు.

ఇదిలా ఉంటే అంతకుముందు టాస్ గెలిచిన దక్షిణాఫ్రికా పీల్డింగ్ ఎంచుకోవడంతో మొదట బ్యాటింగ్ చేసిన శ్రీలంక నిర్ణీత 20 ఓవర్లలో 109 పరుగులు సాధించగలిగింది. లోయర్ ఆర్డర్ బ్యాట్స్‌మెన్ మాథ్యూస్ (28), కులశేఖర (24) ఆదుకోవడంతో శ్రీలంకకు ఈ మాత్రం స్కోరైనా సాధ్యపడింది. దక్షిణాఫ్రికా కట్టుదిట్టంగా బౌలింగ్‌కు శ్రీలంక దాసోహమంది. దక్షిణాఫ్రికా బౌలర్లలో స్టెయిన్, కలీస్, బోథా తలా రెండు వికెట్లు పడగొట్టగా, పార్నెల్, మోర్కెల్ చెరో వికెట్ దక్కించుకున్నారు.