స్వైన్‌ ఫ్లూ : వ్యాధి నివారణకు చిట్కాలు

FILE

స్వైన్ ఫ్లూ వ్యాధికి కారణాలు : స్వైన్ ఫ్లూ వ్యాధి ప్రధానంగా హెచ్-1 ఎన్-1 వైరస్ ఒక వ్యక్తి నుంచి మరో వ్యక్తికి శ్వాసక్రియ ద్వారా, దగ్గు, తుమ్ములు, చేతులు కలపడంతోనే వ్యాపిస్తుంది. ఈ వ్యాధి వ్యాపిస్తే చాలా రోజుల వరకు తలనొప్పి, శ్వాస తీసుకోవడంలో ఇబ్బంది, కండరాల నొప్పులు, అలసట తదితర లక్షణాలుంటాయి.

జాగ్రత్తలు : ప్రాతఃకాలం త్వరగా నిద్రనుంచి లేసి తులసి, వేప (5-10) ఆకులు తీసుకుని బాగా నమిలి తినాలి. తర్వాత 2-3 గ్లాసుల గోరువెచ్చని నీటిని సేవించండి. మీకు వీలైనంత మేరకు దాదాపు 30 నిమిషాల పాటు యోగాసనాలు వేయండి.

ఎండలో నిలబడండి : ఉదయం నీరెండలో (తేలికపాటి వస్త్రాలు ధరించి) 5-10 నిమిషాలపాటు కూర్చోండి. లేదా శరీరానికి నూనెతో మాలిష్ చేసి ఎండలో కూర్చుంటే శరీరానికి కావలసిన ' విటమిన్ డి ' అందుతుంది. దీంతో శరీరంలో రోగనిరోధక శక్తి పెరుగుతుంది.

ఏమేమి తినాలంటే : పుల్లటి పండ్లు...ఉదాహరణకు ఉసిరికాయ, ఆరంజి పండు, నిమ్మపండు, ఆకుకూరలు, కొత్తిమిరి, సలాడ్, మొలకెత్తిన గింజలు ఆహారంగా తీసుకుంటుండాలి.

* మీరు తీసుకునే భోజనంలో ఆకలి ఉన్నాకూడా కాస్త తక్కువగానే భుజించాలంటున్నారు వైద్యులు.

* ఉప్పు, చక్కెర, నెయ్యి, నూనె పదార్థాలను తక్కువగా వాడండి.

* పత్యం : మైదాతో తయారు చేసిన ఆహార పదార్థాలు, పాచిపోయిన ఆహారం, వేపుళ్ళు, తీపి పదార్థాలు, ఫాస్ట్ ఫుడ్, జంక్ ఫుడ్, చల్లటి పానీయాలు, పొగాకు, మద్యపానం సేవించకూడదు.