శనగపిండి స్పెషల్ "ఇంద్రకిరణ్ స్వీట్"

FILE

కావలసిన పదార్థాలు :
శనగపిండి.. ఒక కప్పు
పాలు.. ఒక కప్పు
నూనె లేదా నెయ్యి.. ఒక కప్పు
కొబ్బరితురుము.. ఒక కప్పు
పంచదార.. 3 కప్పులు
యాలకుల పొడి.. ఒక టీ.

తయారీ విధానం :
ఒక గిన్నెలో పైన చెప్పుకున్న పదార్థాలన్నింటినీ వేసి బాగా కలియబెట్టాలి. ఉండ కట్టకుండా ఈ మిశ్రమాన్ని ఒకసారి మిక్సీలో వేసి బ్లెండ్ చేయాలి. మందపాటి గిన్నెలో ఈ మిశ్రమాన్ని వేసి స్టౌమీద ఉంచాలి. గరిటెతో కలుపుతూ ఉడికించాలి. మిశ్రమం బాగా దగ్గరపడి.. పాత్ర నుంచి విడిపడేలా అవుతున్నప్పుడు, నెయ్యి రాసిన పళ్లెంలో పోయాలి.

ఇది వేడిగా ఉన్నప్పుడే కావాల్సిన సైజులో ముక్కలుగా కోయాలి. అంతే ఇంద్రకిరణ్ స్వీట్ తయార్..! చాలా సులభంగా తయారు చేయగలిగే ఈ ఇంద్రకిరణ్ స్వీట్ పదిహేను రోజుల వరకు నిల్వ ఉంటుంది. మీరూ ట్రై చేసి చూస్తారు కదూ..?