మామిడి పళ్ల ఐస్ క్రీమ్

ఇదేంటి కొత్తగా ఉందనుకుంటున్నారా? మామిడి పళ్ల జ్యూస్ పేరు తరచూ విని ఉంటారు కానీ ఈ పేరు అంతగా పరిచయం లేకపోవచ్చు. ప్రస్తుతం మామిడి సీజన్ అయినందున మామిడి పళ్లను తీసుకుని రుచికరమైన ఐస్ క్రీమ్ తయారు చేసుకోవచ్చు.

కావాల్సినవిః
మామిడి రసం- 2 గ్లాసులు
పాలు - 2 గ్లాసులు
జెలెటిన్ ఫుడ్ పౌడర్- 2 టీస్పూన్
పంచదార- కొద్దిగా

తయారు చేసే విధానం:
జెలటిన్ పౌడర్‌ను కొంత వేడినీళ్లలో గడ్డకట్టకుండా కలిపి, కరిగించాలి.

మామిడి పళ్ల రసంతో వేడి చేసిన పాలు, పంచదార, జెలటిన్ చేర్చి బాగా కలపాలి.

ఈ మిశ్రమాన్ని ఫ్రీజర్‌లో ఉంచండి.మిశ్రమం సగం వరకు గడ్డ కట్టిన వెంటనే బయటకు తీసి బాగా దంచి మళ్లీ ఫ్రీజర్‌లో ఉంచండి,

కొద్ది సేపు ఆగి తిరిగి బయటకు తీస్తే రుచికరమైన మేంగో ఐస్‌క్రీమ్ రెడీ.