జూనియర్స్ హెల్దీ ఫుడ్ "యాపిల్ కోవా"

FILE

కావలసిన పదార్థాలు :
సన్నగా తరిగిన యాపిల్ ముక్కలు... ఒక కప్పు
పాలు.. ఒక కప్పు
జీడిపప్పు.. 15 గ్రా.
పంచదార.. ఒక కప్పు
పచ్చికోవా.. ఒక కప్పు
బాదంపొడి.. అర కప్పు
యాలక్కాయలపొడి.. ఒక టీ.
నెయ్యి.. తగినంత

తయారీ విధానం :
ముందుగా నేతిలో జీడిపపప్పు వేయించుకోవాలి. తరువాత పాలు మరిగించాలి. దాంట్లో పచ్చికోవాతో పాటు పంచదార కూడా వేసి బాగా కలియబెట్టాలి. ఈ మిశ్రమం బాగా మరుగుతుండగా యాపిల్ ముక్కల్ని వేసి కలియబెట్టాలి. కాసేపు అలాగే ఉడికిన తరువాత బాదంపొడి వేసి ఉండలు కట్టకుండా బాగా కలపాలి.

ఈ మిశ్రమం బాగా దగ్గరయ్యేంతదాకా స్టవ్‌పై అలాగే ఉంచి గరిటెతో తిప్పుతూ ఉండాలి. చివరగా అందులో తగినంత నెయ్యి, యాలకుల పొడి వేసి కలియబెట్టి దించేయాలి. అంతే యాపిల్ కోవా తయారైనట్లే..! వెరైటీగా రుచిగా ఉండే ఈ యాపిల్ కోవాను చిన్నపిల్లలతోపాటు పెద్దలు కూడా చాలా ఇష్టంగా తింటారు. ఆరోగ్యానికి చాలా మంచిది కూడా..!!