ప్రపంచ బ్యాడ్మింటన్ ఛాంపియన్, మలేషియా ఆటగాడు లీ చాంగ్ (35)ను కేన్సర్ మహమ్మారి సోకింది. చాంగ్ వీకి ప్రస్తుతం నోస్ కేన్సర్ తొలి దశలో వుందని మలేషియా బాడ్మింటన్ సంఘం(బామ్) తెలిపింది. చాంగ్ వీ ప్రస్తుతం తై
ప్రపంచ బ్యాడ్మింటన్ ఛాంపియన్, మలేషియా ఆటగాడు లీ చాంగ్ (35)ను కేన్సర్ మహమ్మారి సోకింది. చాంగ్ వీకి ప్రస్తుతం నోస్ కేన్సర్ తొలి దశలో వుందని మలేషియా బాడ్మింటన్ సంఘం(బామ్) తెలిపింది. చాంగ్ వీ ప్రస్తుతం తైవాన్‌లో చికిత్స పొందుతున్నట్లు తెలిపింది.
ప్రస్తుతం అతను ప్రపంచ స్థాయి వైద్యులచే చికిత్స పొందుతున్నట్లు బామ్ పేర్కొంది. ఈ ఏడాది జులైలో వీ శ్వాస తీసుకోవడంలో లీ తీవ్రంగా ఇబ్బందిపడ్డారు. దీంతో అతనికి వైద్య పరీక్షలు నిర్వహించగా అతనికి కేన్సర్ తొలి దశలో వున్నట్లు వెల్లడి అయ్యింది.
ప్రస్తుతం కేన్సర్ తొలిదశలోనే ఉండటంతో ప్రమాదమేమి లేదని బామ్ అధ్యక్షుడు డాటక్ సెరినోర్జా జకారియా తెలిపారు. చాంగ్ వీ కామన్ వెల్త్ గేమ్స్ లో ఐదు స్వర్ణ పతకాలు, ఆసియన్ గేమ్స్‌లో రెండు స్వర్ణ పతకాలు, ఒలింపిక్స్‌లో మూడు రజత పతకాలు గెలుచుకున్నాడు. గత మూడు నెలలుగా చాంగ్ వీ ఆటకు దూరంగా ఉన్నాడు.