ఇప్పుడు బాలీవుడ్‌లో రియల్ స్టోరీలు, బయోపిక్‌ల సీజన్ బాగానే నడుస్తోంది. స్పోర్ట్స్ స్టార్ల రియల్ స్టోరీని తెరకెక్కించేందుకు బాలీవుడ్‌ ఆసక్తి చూపుతోంది. మిల్కా సింగ్‌, బాక్సింగ్‌ క్వీన్‌ మేరీకోంపై వచ్చిన చిత్రాలు వెండితెరను ఓ రేంజ్‌లో ఊపేసిన విషయం తెలిసిందే. ఇప్పుడు అదే రీతిలో ధోనీ - అజారుద్దీన్‌ల సినిమాలు కూడా షూటింగ్‌లో ఉన్నాయి. వీటికితోడు ఇప్పుడు హైదరాబాదీ టెన్నిస్ క్రీడాకారిణి సైనా నెహ్వాల్ స్టోరీ కూడా తెరకెక్కనుంది. తన స్టోరీని సినిమాగా తీస్తే.. అందులో దీపికా పదుకొనే అయితే మంచి ఛాయిస్ అని సైనా వెల్లడించారు. ఇప్పుడా కోరిక తీరబోయే టైం వచ్చేసింది.
దీపికనే హీరోయిన్‌గా తీసుకుని సైనా నెహ్వాల్ లైఫ్ స్టోరీని తెరకెక్కించే ప్రయత్నం మొదలైంది. బాలీవుడ్‌ డైరెక్టర్‌ అమోల్‌ గుప్తా ఈ చిత్రాన్ని తెరకెక్కించబోతున్నారు. దీపిక కూడా బ్యాడ్మింటన్‌ క్రీడాకారిణి కాబట్టి తెరపై తన పాత్రకు సరిగ్గా సరిపోతుందని సైనా తెలిపారు. ఈ మూవీ చేసేందుకు దీపిక కూడా గ్రీన్ సిగ్నెల్ ఇచ్చేసింది. తన ఫ్రెండ్ సైనా పాత్రను చేయడాన్ని ఎంతో ఇష్టపడతానని కూడా దీపిక చెప్పింది. కాబట్టి ఈ రోల్ చేయడానికి దీపికనే కరెక్ట్ ఛాయిస్ అంటోంది సైనా నెహ్వాల్.