డబ్బు ఇవ్వకుంటే జైలులో పిస్టోరియస్‌పై గ్యాంగ్ రేప్ చేయిస్తాం.. కజిన్‌కు బెదిరింపు

దక్షిణాఫ్రికాకు చెందిన ఒలింపిక్ అండ్ పారాలింపిక్ అథ్లెట్ అస్కార్ పిస్టోరియస్ కేసు వ్యవహారం ప్రతి ఒక్కరికీ తెలిసేవుంటుంది. 2013 జూలై 6న ప్రియురాలిని దారుణంగా చంపిన కేసులో ఆయనను అరెస్టు చేయగా, ప్రస్తుతం జైలు జీవితం గడుపుతున్నాడు.

ఈ నేపథ్యంలో పిస్టోరియన్ కజిన్‌ ఆర్నోల్డస్‌ మొబైల్‌కు గుర్తు తెలియని వ్యక్తుల నుంచి ఓ బెదిరింపు వచ్చింది. ప్రియురాలిని హత్య కేసులో పిస్టోరియస్‌కు వ్యతిరేకంగా బలమైన సాక్ష్యాధారాలు ఉన్నాయనీ, అందువల్ల తాము డిమాండ్ చేసినమేరకు డబ్బు ఇవ్వాలని లేనిపక్షంలో జైలులో ఉంటున్న పిస్టోరియస్‌పై సామూహిక అత్యాచార దాడి చేసి చంపేస్తామని కజిన్‌కు బెదిరింపులు వచ్చాయి. దీంతో ఆయన కుటుంబ సభ్యులు పోలీసులకు ఫిర్యాదు చేశాడు. 

అయితే, వారి ఫిర్యాదు మేరకు దర్యాప్తు చేసిన పోలీసులు ఇప్పటివరకు ఎవరిని అరెస్టు చేయలేదు. ఈ నేపథ్యంలో ఈ కేసు వివరాలు పిస్టోరియస్ కుటుంబ ప్రతినిధి అన్నెలైజే బర్గెస్ మీడియాతో మాట్లాడుతూ... ఈ కేసులో విచారణకు సంబంధించిన కీలక ఆధారాలు తమ వద్ద ఉన్నాయని, వాటిని బయటపెట్టకుండా ఉండేందుకు భారీ మొత్తంలో తమకు లంచం ఇవ్వాలని, లేదంటే పిస్టోరియస్పై సామూహిక లైంగిక దాడి చేయిస్తామని, దారుణంగా కొట్టిస్తామని కొందరు హెచ్చరించినట్లు చెప్పారు.