ఆసియా కప్ హాకీ టోర్నీ.. పాకిస్థాన్‌పై భారత్ విన్.. ట్రోఫీ కైవసం

Indo-pak

ఒమన్‌లో జరిగిన ఆసియా కప్ హాకీ టోర్నీలో పాకిస్థాన్‌ను ఓడించి భారత జట్టు విజేతగా నిలిచింది.

10వ జూనియర్ ఆసియా కప్ హాకీ మ్యాచ్‌లు ఒమన్‌లోని సలాలాలో జరుగుతున్నాయి. ఈ క్రమంలో గురువారం జరిగిన ఫైనల్ మ్యాచ్‌లో పాకిస్థాన్, భారత్ జట్లు తలపడ్డాయి. 

ఉత్కంఠభరితంగా సాగిన ఈ మ్యాచ్‌ చివరి దశలో పాకిస్థాన్‌కు కొన్ని పెనాల్టీ కార్నర్ అవకాశాలు లభించాయి. కానీ భారత జట్టు దానిని చక్కగా అధిగమించింది. ఫలితంగా ఈ మ్యాచ్‌లో భారత జట్టు 2-1 స్కోరుతో విజయం సాధించింది. 

దీంతో భారత జట్టు నాలుగోసారి ఆసియా కప్ ఛాంపియన్‌షిప్ ట్రోఫీని కైవసం చేసుకుంది. ఇంతకు ముందు భారత హాకీ జట్టు 2004, 2008, 2015లో ఆసియా కప్‌ను గెలుచుకుంది.