మహిళల ప్రపంచకప్ ఫుట్ బాల్ పోటీల్లో ఫైనల్లోకి ప్రవేశించాలనే ఇంగ్లండ్ జోరుకు బ్రేక్ పండింది. మరో 3 నిమిషాల్లో ఆట ముగుస్తుందనగా ఆ దేశ క్రీడాకారిణి లారా బాసెట్ లక్షలాది మంది అభిమానుల ఆశలను నీరు గార్చింది. సొంత జట్టు ఓడిపోయేందుకు కారణమై తీవ్ర విమర్శలు ఎదుర్కొంది. ఈ మ్యాచ్‌లో ఇంగ్లండ్, జపాన్ జట్లు పోటీ పడగా, నిర్ణీత 90 నిమిషాల్లో 1-1తో స్కోరు సమంగా ఉంది.
అదనంగా ఇచ్చిన ఇంజూరీ సమయం మరో మూడు నిమిషాల్లో ముగుస్తుందనగా, డిఫెండర్ బాసెట్ సెల్ఫ్ గోల్ చేసి జట్టు పయనానికి బ్రేక్ వేసింది. దీంతో 2-1తో డిఫెండింగ్ ఛాంపియన్ జపాన్ మళ్లీ ఫైనల్ చేరుకుంది. దీంతో బాసెట్‌పై అభిమానులు మండిపడ్డారు. ఇకపోతే ఫైనల్ పోరు ఆదివారం జరుగనుంది. ఈ పోరులో వరుసగా రెండోసారి అమెరికాతో జపాన్ ఢీకొట్టబోతోంది.