హాలీవుడ్ నటుల్లో డ్వేన్ జాన్సన్... రెజ్లింగ్ ద్వారా మంచి పేరు కొట్టేశాడు. ది రాక్ అని పిలిపించుకున్నాడు. తాజాగా అతడు రహస్యంగా రెండో వివాహం చేసుకున్నాడు.
47 ఏళ్ల డ్వేన్ జాన్సన్.. లారెన్ హాషియాన్ అనే అమ్మాయితో ప్రేమను కొనసాగిస్తున్నాడు. గతంలోనే వీరి వివాహం జరిగినట్లు వదంతులు వచ్చాయి. కాగా.. 2007లోనే మొదటి భార్య డానీ గార్సియా నుంచి విడాకులు తీసుకున్నాడు. వీరికి 18 సంవత్సరాల కూతురు కూడా ఉంది.
అయితే ఇన్నాళ్లకు జాన్సన్ పెద్దగా హడావుడి లేకుండా హాషియాన్‌ను హవాయ్ దీవుల్లో సీక్రెట్‌గా పెళ్లి చేసుకున్నాడు. అత్యంత సన్నిహితుల మధ్యన జరిగిన ఈ పెళ్లి గురించి జాన్సన్ ఒకరోజు తరువాత సోషల్ మీడియా ద్వారా బహిర్గతం చేశాడు.
కాగా, స్కార్పియన్ కింగ్, ది మమ్మీ, ఫాస్ట్ అండ్ ఫ్యూరియస్ , జూమాంజి వంటి సినిమాలతో డ్వేన్ జాన్సన్‌కు మంచి క్రేజ్ వచ్చిన సంగతి తెలిసిందే.