దక్షిణ కొరియాలోని ఇంచియాన్‌లో జరుగుతున్న ఆసియా క్రీడల్లో భారత్‌కు మరో కాంస్యం లభించింది. 25 మీటర్ల పిస్టల్ టీమ్ ఈవెంట్‌‌లో కాంస్య పతకం దక్కింది. ఇందులో హీనా, సర్నోబత్, అనీసాలతో కూడిన మహిళల జట్టు ఈ పతకం సాధించింది.
ఇక ఆసియా గేమ్స్‌లో ప్రపంచ రికార్డు నమోదైంది. 62 కేజీల పురుషుల వెయిట్ లిఫ్టింగ్ విభాగంలో ఉత్తర కొరియా క్రీడాకారుడు అత్యధిక బరువునెత్తి ప్రపంచ రికార్డు సృష్టించాడు. 62 కేజీల విభాగంలో 154 కేజీల బరువునెత్తిన కిమ్ వున్ గుక్, ఆ విభాగంలో ప్రపంచంలోనే అత్యధిక బరువునెత్తిన క్రీడాకారుడిగా చరిత్ర సృష్టించాడు.
గతంలో 153 కేజీల బరువునెత్తిన టర్కీ క్రీడాకారుడు షి ఝి యంగ్ పేరిట ప్రపంచ రికార్డు ఉంది. కిమ్ వున్ గుక్ 154 కేజీల బరువునెత్తి ఆ రికార్డును అధిగమించాడు.