అంతర్జాతీయ కార్ల పోటీల్లో పాల్గొనే ఫార్ములా-4 రేసర్ అశ్విన్ (27), భార్య నివేదిత (26) సజీవదహనమైన వీడియో వైరల్ అయ్యింది. అనేక విదేశాల్లో జరిగిన పోటీల్లో ఛాంపియన్‌గా నిలిచిన అశ్విన్ సుందర్-భార్య నివేదిత
అంతర్జాతీయ కార్ల పోటీల్లో పాల్గొనే ఫార్ములా-4 రేసర్ అశ్విన్ (27), భార్య నివేదిత (26) సజీవదహనమైన వీడియో వైరల్ అయ్యింది. అనేక విదేశాల్లో జరిగిన పోటీల్లో ఛాంపియన్‌గా నిలిచిన అశ్విన్ సుందర్-భార్య నివేదిత సజీవదహనం అవుతున్న సమయంలో తీసిన వీడియో ఇప్పుడు సోషల్ మీడియాలో వైరల్ అయ్యింది.
వివరాల్లోకి వెళితే.. శుక్రవారం రాత్రి తన స్నేహితుడు ఈసీఆర్ రోడ్డులోని ఒక రిసార్టులో ఇచ్చిన పార్టీకి అశ్విన్ సుందర్ భార్య నివేదితతో కలిసి వెళ్లారు. అశ్విన్ సుందర్‌కు రెండే సీట్లు ఉన్న బీఎండబ్ల్యూ కారు ఉంది. మార్గం మధ్యలో అంబేద్కర్ మణిమండపం సమీపంలోని మలుపు దగ్గర కారు అదుపుతప్పి చెట్టును ఢీకొని మంటలు వ్యాపించాయి.
అదే సమయంలో అటువైపు వెళ్లిన మహిళా కానిస్టేబుల్ ఉషారాణి అనే ఆమె కారు దగ్గరకు వెళ్లలేక అగ్నిమాపక సిబ్బందికి సమాచారం ఇచ్చారు. అటువైపు వెళుతున్న వారు అగ్నికి ఆహుతి అవుతున్న కారును మొబైల్‌లో చిత్రీకరించారు. పోలీసుల విచారణలో అశ్విన్ సుందర్ దంపతులని తేలింది. ఈ వీడియో ప్రస్తుతం వైరల్ అవుతోంది.