దుబాయ్‌లో జరుగుతున్న టెన్నిస్ టోర్నమెంట్లో స్విజ్ మాస్టర్ రోజర్ ఫెదరర్ తన సత్తా ఏంటో నిరూపించుకున్నాడు. ఇప్పటికే 6 సార్లు దుబాయ్ టైటిళ్లను గెలుచుకున్న రోజర్ ఫెదరర్‌తో పాటు సెర్బియాకు చెందిన నోవాక్ జకోవిచ్‌‌లు కూడా సెమీఫైనల్లోకి దూసుకెళ్లారు.
మొట్టమొదటి సారిగా ఉక్రెయిన్ క్రీడాకారుడు సెర్జీ స్టావోస్కీతో తలపడిన రోజర్ ఫెదరర్ 6- 3, 6- 4 విజయం సాధించి, సెమీఫైనల్లోకి ప్రవేశించాడు. అలాగే మరో క్వార్టర్ ఫైనల్లో ఫ్లోరియన్ మేయర్‌పై నెగ్గిన జకోవిచ్, సెమీఫైనల్లోకి అడుగుపెట్టాడు. మేయర్‌పై గట్టిపోటీని ప్రదర్శించిన జకోవిచ్ 7- 5, 6- 4 తేడాతో విజయం సాధించాడు.
ఇకపోతే.. ఫ్రాన్స్ క్రీడాకారుడు రిచర్డ్ గాస్క్వెట్ తన సహచరుడు సీమోన్‌ను 5- 7, 6- 2, 6- 4 తేడాతో ఓడించి సెమీఫైనల్లోకి అడుగుపెట్టాడు. తద్వారా సెమీఫైనల్లో రోజర్ ఫెదరర్‌తో గాస్క్వెట్ తలపడనున్నాయి. కాగా, ఫెదరర్ ఆటతీరుతో గాస్క్వెట్‌కు గట్టిపోటీ తప్పదని క్రీడా విశ్లేషకులు అంచనా వేస్తున్నారు. అలాగే సెర్బియా స్టార్ జకోవిచ్ తన సెమీఫైనల్ పోరులో థామస్ బెడ్రిచ్‌తో తలపడనున్నాడు.