తమ రాష్ట్రంలో క్రీడా పర్యాటక రంగాన్ని మరింతగా ప్రోత్సహిస్తున్నట్టు జమ్మూకాశ్మీర్ రాష్ట్ర ముఖ్యమంత్రి ఒమర్ అబ్దుల్లా చెప్పుకొచ్చారు. ఆదివారం ప్యానాసోనిక్ గోల్ఫ్ టోర్నీలో విజేతలుగా నిలిచిన వారికి ఆయన బహుమతులను ప్రదానం చేశారు.
ఈ సందర్భంగా ఆయన మాట్లాడుతూ రాష్ట్రంలో మూడు రాష్ట్రాల్లో గోల్ఫ్ కోర్సులను అభివృద్ధిచేసినట్టు చెప్పారు. ఇందులో జాతీయ, అంతర్జాతీయ గోల్ఫ్ క్రీడాకారులు వివిధ రకాల వాతావరణ పరిస్థితుల్లో శిక్షణ పొందేందుకు తమ రాష్ట్రం అవకాశం కల్పిస్తోందన్నారు.
ఈ యేడాది అనేక రకాల గోల్ఫ్ టోర్నీలు రాష్ట్రంలో విజయవంతంగా నిర్వహించామన్నారు. ఈ తరహా టోర్నీలను నిర్వహించేందుకు తమకు సామర్థ్యం ఉందని వీటి నిర్వహణ నిరూపించాయని చెప్పారు. రాష్ట్రంలో మరింతగా క్రీడాభివృద్ధి సాధించాలంటే ఇదే తరహా విధానం కొనసాగాలని ఆయన అభిప్రాయపడ్డారు.