నా కృతజ్ఞతా భావాన్ని శంకించొద్దు : బింద్రా

తన కృతజ్ఞతా భావాన్ని శంకించాల్సిన పనిలేదని బీజింగ్ స్వర్ణపతక విజేత షూటర్ అభినవ్ బింద్రా పేర్కొన్నాడు. భారత జాతీయ రైఫిల్ సంఘం (ఎన్ఆర్ఏఐ)పై తనకు కృతజ్ఞతాభావం లేదంటూ అధ్యక్షుడు దిగ్విజయ్ సింగ్ చేసిన ఆరోపణలను ఈ సందర్భంగా బింద్రా ఖండించాడు.

ఈ విషయమై బింద్రా మాట్లాడుతూ బీజింగ్‌లో స్వర్ణం సాధించిన తర్వాత తొలిసారి ఇచ్చిన ఇంటర్వ్యూలోనే తాను ఎన్ఆర్ఏఐకు కృతజ్ఞత తెలిపానని బింద్రా పేర్కొన్నాడు. అలాగే పలు సందర్భాల్లో సైతం తాను ఎన్ఆర్ఏఐ గురించి ప్రశంసించానని బింద్రా తెలిపాడు. అలాంటి తన విషయంలో ఇలాంటి ప్రకటన వెలువడడం దురదృష్టకరమని బింద్రా వ్యాఖ్యానించాడు. అ

యితే తన గురించి దిగ్విజయ్ ఏమన్నారన్న సంగతి తనకు పూర్తిగా తెలియదని తనకు కృతజ్ఞతాభావం లేదంటూ ఆయన చేసిన వ్యాఖ్యలు ఇతరుల ద్వారానే తనకు తెలిసిందని బింద్రా తెలిపాడు. కాబట్టి ఈ విషయాన్ని పెద్దది చేయకుండా వదిలేయాలని ఆయన మీడియాను కోరారు.

ఓ ఇంటర్వ్యూ సందర్భంగా ఎన్ఆర్ఏఐ అధ్యక్షుడు దిగ్విజయ్ మాట్లాడుతూ స్వర్ణం గెలవడానికి సాయపడిన సంస్థ పట్ల బింద్రా కృతజ్ఞతాభావంతో ప్రవర్తించలేదంటూ పేర్కొన్నారు.