మీరు సై అన్నా...ఆయన ఒప్పుకోరుగా!

వార్తః తెలంగాణకు సై అంటే టీడీపీతో పొత్తు అంశాన్ని పరిశీలిస్తామని తెరాస చీఫ్ కేసీఆర్ అన్నారు.

చెవాకుః ఇప్పటికే సమయం మించి పోయిందేమో. ప్రజలు మీతో పూర్తిగా లేరనే విషయం వారికి తెలియక మునుపే పొత్తుకు ప్రయత్నించి ఉండాల్సింది. అలా జరిగి ఉంటే ఉప ఎన్నికల్లో మీ కూటమి ఘన విజయం సాధించడమే కాక ఆ విజయంలో మీదే కీలక పాత్ర అని ఢంకా భజాయించి ఉండొచ్చు. అయినా మీ రెండు పార్టీల మధ్య పొత్తు ఎలా కుదురుతుంది. మీ పార్టీలోనే మరొకరు ముఖ్యమంత్రి కారాదని మీ మాటకు ఎదురు చెప్పే వారందరినీ బయటకు పంపేశారు. మరి అక్కడేమో దేవేందర్ గౌడ్... ఆ పదవి కోసమే కాసుక్కూర్చున్నారు. ఇటీవలే మీ ఇద్దరి మధ్య జనం వినలేని స్థాయిలో మాటల యుద్ధం కూడా జరిగింది. అయినా రాజకీయాల్లో ఏదైనా సాధ్యమేనంటారా? ఏమో మీకే తెలియాలి.