పార్టీపదవులు కాదు...ప్రజా సంక్షేమమే ముఖ్యం..చిరంజీవి

వార్త : పార్టీలో పదవులు దక్కలేదనే నిరాశ, నిస్పృహలు సహజం... అయితే ప్రజా సంక్షేమాన్ని దృష్టిలో పెట్టుకుంటే పదవి ఉంటే ఎంత, లేకుంటే ఎంత? ప్రజారాజ్యం అధినేత చిరంజీవి.

చెవాకు : చిరంజీవి గారు... మన నేతలంతా ప్రజా సంక్షేమాన్ని దృష్టిలో పెట్టుకుంటే రాష్ట్రంలో ఇన్ని పార్టీలు ఎందుకు పుట్టుకొస్తాయి? ఆ పార్టీల్లో పదవులు లభించలేదని అసంతృప్తులు ఎందుకు పుట్టుకొస్తాయి?

అలా ఆయా పార్టీల్లో అసంతృప్తితో ఉన్న నేతలు పదవుల కోసం కాకపోతే...మీ పార్టీ తీర్ధం ఎందుకు పుచ్చుకుంటారు...?

అయినా...పదవి కోసం పార్టీలో చేరిన వారిని పదవి లేకున్నా సేవ చేయండంటూ మీరు తేలికగా చెబుతున్నారే? ఇది మీ అమాయకత్వమా లేక మరింకేదైనానా...