వార్త: వివిధ రాజకీయ పార్టీల నుంచి ప్రజారాజ్యంలోకి వస్తున్న వారిలో భూమా నాగిరెడ్డి దంపతులు, కోటగిరి విద్యాధరరావు, హరిరామజోగయ్యల వరుసలో తాజాగా మాజీ మంత్రి తమ్మినేని సీతారాం కూడా చేరారు.
చెవాకు: ఏంటోనయ్యా మెగాహీరో. మీరేదో పార్టీ పెట్టి సామాన్య జనాన్నంతా ఉద్ధరించేస్తారని జనం తెగ నమ్మిపోతున్నారు. కానీ ఇక్కడ మీ వాలకం చూస్తుంటే కొత్త సీసాలో పాత సారా అన్న చందంగా ఉంది. మీ పార్టీలో చేరే వారంతా ఆ పార్టీలోనో, ఈ పార్టీలోనో ఇమడలేక బయటకు వస్తున్నవారుగానే కన్పిస్తున్నారు.
అంటే ఇతర పార్టీల్లోనుంచి మీ పార్టీకి వచ్చేస్తే ఏదో పాప విమోచనం జరిగినట్టు భావించేలా ఉంది సీను. గతంలో ఎన్టీఆర్ పార్టీ పెట్టినపుడు కూడా ఇలాగే అక్కడి నుంచి, ఇక్కడి నుంచి వచ్చిన వారు చివరకు ఆయనకే గోతులు తవ్వారు. ఈ విషయంలో మీరు మరీ జాగ్రత్తగానే ఉంటారని నమ్మడం వరకే ఇప్పటికి మేం చేయగలిగింది.