ఆందోళన వద్దు.. ఆశావాదులుగా జీవితాన్ని గడపాలంటే..?

ఆందోళన మాత్రం అస్సలొద్దు. ప్రతికూల ఆలోచనలను అనుకూలంగా మార్చుకోవాలి. ఆశావాదులుగా జీవితాన్ని గడపడం చాలా మంచి మార్గం. కొన్ని సందర్భాల్లో తప్పకపోయినా.. అనుకూల పరిస్థితులను ఏర్పరుచుకోవాలి. ఆందోళనలను ఎదుర్కునేటప్పుడు.. భయాందోళనలను అణచివేసేందుకు ఆ సమయంలో అందుబాటులో ఒక డైరీ, పెన్సిల్ లేదా పెన్ను చేతులో ఉంచుకోవాలి. మనస్సున ఉన్నది రాసేయండి. దీంతో కాస్త ఉపశమనం లభిస్తుంది. 

ఆందోళనను దూరం చేసుకోవాలంటే ఆహార విషయంలోనూ శ్రద్ధ తీసుకోవాలి. అల్పాహారం ఎక్కువగా తీసుకోవాలి. భోజనం మధ్య టిట్-బిట్స్ తినాలి. ఇది రక్తప్రవాహంలో గ్లూకోస్ సమతుల్యాన్ని స్థిరంగా ఉంచి, మానసిక స్థితిని పెంపొందిస్తుంది.

అలాగే ఆందోళనకు చెక్ పెట్టాలంటే.. చక్కగా 8 నుంచి 9 గంటల వరకు నిద్రపోవాల్సిందే. ఫలితంగా అనిశ్చిత ఆందోళనలను తొలగించుకోవచ్చు. ఆందోళనలకు గురైనప్పుడు పుస్తకాలు చదవండి.. సంగీతం వినండని మానసిక నిపుణులు అంటున్నారు.