పెళ్ళికి తర్వాత స్నేహితులతో స్నేహం తగ్గిపోవడం ఎందుకో..!?

అతివాగుడు, అతిశయోక్తి స్నేహితులు మరికొందరు. ప్రతి చిన్న అంశాన్ని నాటకీయంగా నలుగురి ముందు పెట్టి తమ మీదకి దృష్టిని మరల్చేలా చేయాలనుకుంటారు. చిన్న చిన్న తేడాలను భూతద్దంలో పెట్టి చూపుతారు. స్నేహితులతో ఒకరి మాటలను మరొకరికి చేరవేస్తుంటారు. అందులో కూడా స్వార్థం. 

అటువంటి వారి విషయంలో జాగ్రత్తగా వ్యవహరించకపోతే స్నేహాలు చెడిపోతాయి. అటువంటివారి మాటలకు విలువ ఇవ్వకుండా ఉండటం మంచిది. ఇటువంటి అవరోధాలను తట్టుకుని నిలబడేదే స్నేహం. అలా నిలిచేవారే స్నేహితులు అని గ్రహించాలి. వయసుతో స్నేహితులు మారడం గమనించారా? జీవితంలోని కొన్ని కీలక సమయాలలో స్నేహితుల పాత్ర మారిపోతుంటుంది. పెళ్ళికి ముందు ఒంటరి జీవితంలో స్నేహితులుగా వున్నవారిలో కూడా పెళ్ళి తర్వాత కొంత స్నేహం తగ్గిపోవడం గమనించారా. 

పెళ్లి తర్వాత మీ జీవిత భాగస్వామి మీ స్నేహితుల మీద వెల్లడిచేసే అభిప్రాయం. ఆ అభిప్రాయానికి మీరిచ్చే విలువలను బట్టి స్నేహితులు మారిపోతారు. మీ స్నేహితులలో కూడా అందరితో అన్ని రకాల అంశాలను పంచుకోలేదన్న విషయం మీకు తెలుసా. మీరు ఆనందాన్ని కొందరు స్నేహితులతోనే పంచుకుంటారు. మీ కష్టాల్ని పంచుకునేందుకు మరికొందరిని ఎంచుకుంటారు. కొత్తగా కలుగుతున్న చేదు అనుభవాలను పాత స్నేహితులికి తెలియడం మీకిష్టం వుండకపోవచ్చు.