ఉత్తిష్ఠోత్తిష్ట గోవింద...!

శ్రీ మహా విష్ణువుకు ప్రీతికరమైన ధనుర్మాసం... ఈ నెల 16వ తేదీన ప్రారంభం కానుంది. ఈ ధనుర్మాసంలో వచ్చే ఏకాదశి రోజున సూర్యోదయానికి ముందే లేచి శుచిగా స్నానమాచరించి, గోవింద నామస్మరణ చేయడం శుభప్రదం.

" ఉత్తిష్ఠోత్తిష్ట గోవింద! త్యజనిద్రాం జగత్పతే,
త్వయిసుప్తే జగత్ సుప్తం ఉత్థితే చోత్థితం జగత్"

అనే ప్రబోధన మంత్రంతో ప్రార్థన చేసి, శ్రీ మహావిష్ణువును అర్చించి, ఉపవాసముంటే సకల సంపదలు చేరువవుతాయని పురాణాలు చెబుతున్నాయి. లేదా ఏకాదశి రోజున మహాభాగవతంలోని "అంబరీషోపాఖ్యానం" చదివినా, విన్నా మేలు కలుగుతుంది.