బలహీనత గురుంచి ఆలోచిస్తే ఇంకా బలహీనులవుతారు

WD

మీరు దేనిని గురించి ఆలోచిస్తే అదే విధంగా తయారవుతారు. బలహీనతను గురించి ఆలోచిస్తే బలహీనులుగా తయారవుతారు. బాలాన్ని గురించి ఆలోచిస్తే బలవంతులుగా తయారవుతారు. కానీ బలాన్ని గురించి ఆలోచించాలంటే అందుకు తగినవిధంగా నిరంతరం మనకు బలాన్ని గుర్తుచేస్తూ, ఆ బలానికి చిహ్నమైన ఒక ఆదర్శం మనకు అవసరం.

ఒక ఆదర్శాన్ని ఎదురుగా వుంచుకొని దానిని అనుసరించేటపుడు మనం తప్పు చేసేందుకు అవకాశం తక్కువ. ఆ ఆదర్శనం మనకు అందనంత ఎత్తులో, చేరుకోలేనంత దూరంలో ఉండవచ్చుగాక. కానీ దానిని తప్పక పొంది తీరాలని మనం అనుకోవాలి. నిజానికి మనం ఎంచుకునే ఆదర్శం అయివుండాలి. అటువంటి ఆదర్శాన్ని మాత్రమే వ్యక్తులు. సమాజం తమ ముందు వుంచుకోవాలి.

దురదృష్టవశాత్తు అధిక శాతం మంది మనుష్యులు తమ తమ జీవితాల్లో అసలు ఎటువంటి ఆదర్శాన్ని ఏర్పరుచుకోకుండానే చీకటిలో తడుముకుంటూ జీవితమంతా గడుపుతుంటారు.

జీవితంలో ఏదో ఒక ఆదర్శాన్ని తన ముందు వుంచుకుని దానిని సాధించాలని ఆరాటపడే వ్యక్తి, తపనపడే వ్యక్తి, వెయ్యి తప్పులు చేస్తే, అసలు ఆదర్శమే లేకుండా జీవితాన్ని గడిపే వ్యక్తి యాభై వేల తప్పులు చేస్తాడు. కాబట్టి ఏదో ఒక ఆదర్శాన్ని కలిగి వుంచటమే మేలు.